17 DE OUTUBRO : DÍA DAS MULLERES ESCRITORAS

 O Día das Escritoras é unha conmemoración iniciada en España para recuperar o legado das mulleres escritoras,facer visible o seu traballo e combatir a discriminación que sufriron ao longo da historia.

Esta celebración ten lugar o luns seguinte  15 de outubro,festividade de Santa Teresa de Jesús.

Ela foi unha das primeiras escritoras e tamén das primeiras mulleres que puido firmar as súas obras co seu propio nome,pois durante séculos moitas escritoras tiveron que agochar a súa verdadeira identidade baixo seudónimos masculinos.

EXPOSICIÓN-HOMENAXE A AGUSTÍN FERNÁNDEZ PAZ

Xa podes visitar na biblioteca a exposición de libros de Agustín Fernández Paz
Tamén podes coller aquel que máis che interese para levalo a casa;algúns son ideais para ir dándolle a benvida ao Samaín.
Pásate pola biblioteca e bota unha ollada,vanche encantar!! 

 

PINOCHO EN REDONDELA
Este domingo, 9 de outubro poderedes asistir a estrea do musical "O mundo máxico de Pinocho",representada pola compañía redondelana Educateatro.
Trátase dunha versión do conto clásico,con sete pezas musicais,novos persoaxes,ilusión,máxia e moito humor.
A obra  representarse o domingo  no Multiusos da Xunqueira con dúas funcions, ás 17.00 y a las 19.00 horas, e o precio das entradas é de 5 euros (3 reducido)

                            VÉMONOS NO MULTIUSOS !!!

                                ADEUS A AGUSTÍN FERNÁNDEZ PAZ

 O pasado 12 de xullo, mentras nos atopábamos de vacacións , enterámonos da triste nova da morte de Agustín Fernández Paz.
Fernández Paz naceu en Vilalba no ano 1947 e durante toda a súa vida adicouse a ensinanza en primaria e secundaria.
Como escritor contribuíu moitísimo a dignificación da literatura infantil e xuvenil.
Foi autor de máis de trinta obras :"Trece anos de Branca"," Aire negro","Corredores de sombra","Cartas de inverno","Fantasmas de luz"," A viaxe de Gagarin"...
O seu último libro foi "A neve interminable" do ano 2015.
A maior parte da súa obra está traducida a todas as linguas da península ibérica,pero tamén ao coreano,francés,italiano,inglés,
chino,árabe,búlgaro e bretón.
         Despedimos ao autor que tan bos momentos nos fixo pasar , el vaise,quédannos os seus libros.

                  
                              BIBLIOTECAS ESCOLARES                                   2016/2017

Biblioteca escolar - Territorio das Artes" é o lema escollido para os materiais que a Consellería de Cultura, Educación e Ordenación Universitaria edita a comezo do curso 2016/2017  con destino ás bibliotecas escolares dos centros educativos galegos. Nesta ocasión foi MINIA REGOS a creadora convidada a interpretar o lema anual.

A imaxe creada por Minia Regos garda moitas sorpresas para as lectoras e os lectores; propón un xogo de exploración e aventura por este "territorio" complexo e engaiolante que é toda biblioteca escolar.  

Nos últimos anos, as bibliotecas escolares demostraron que é posible integrar as ciencias e as humanidades nas actividades de lectura e de acceso e construción do coñecemento.

Biblioteca escolar, territorio das Artes convida a explorar fórmulas para espertar nos lectores e nas lectoras o interese por achegarse e apreciar os produtos artísticos, pero sobre todo  a experimentar o pracer de expresarse a través da música, a pintura, a arquitectura, a danza, o teatro, a literatura, a escultura, as artes visuais (cine, cómic, fotografía, videocreacións, videoxogos).

  

                                                     BENVIDOS 

                                                                          BO

                                                                    CURSO

                                                          PARA TOD@S

Aproveitamos para informarvos de que a biblioteca estará aberta ao público a partir do 3 de outubro.Agardámosvos!!!

           
                     
                           BO VERÁN 
                        DE LECTURAS
                   PARA TODOS E TODAS,
                VÉMONOS EN SETEMBRO. 

 

                                FELIZ DÍA DAS NOSAS LETRAS!!

VISITOUNOS ANTÓN CORTIZAS

O pasado luns, 9 de maio, recibimos a agarimosa visita do escritor ANTÓN CORTIZAS AMADO para comentar co alumnado de 1º e 2º o seu libro “O lapis de Rosalía”.

Foron moitas as cuestións que lle plantexaron e así souperon que a inspiración desta historia foi a súa filla Rosalía que daquela tiña “seis anos seus” (todiños, todiños dela) e que daba moitas apertas ao seu pai. Xurdiu do infinito amor que se tiñan. Agora Rosalía é unha mestra que lle ensina a nenos e nenas pequenos que falan galego a que das súas bocas sigan saindo bolboretas cada vez máis fermosas.

Agasallounos cun mini libro escrito por el  “Aqueles animais da sabana” e que cada neno pode personalizar cos seus debuxos. Que ben o pasamos recitando as simpáticas rimas da avetarda, do babuino, do ñu……!!

 A tres nenos de 4º asinoulles o libro que leran o curso pasado “O merlo de ferro” e, sacando da súa bolsa máxica un subiote, ensinoulles a facer o son do merlo.

GRAZAS ANTÓN POR ENCHERES A BIBLIOTECA DE RECHOUCHÍOS E POESÍA!!

ENCONTRO CON ABRAHAM CARREIRO
Abraham Carreiro visitou de novo o noso cole para atoparse co alumnado de 3º e 4º, que nos últimos días estiveran xa lendo o seu libro " Estudios Tex".
Este autor-ilustrador amosounos unha vez mais como se perfilan e crean  as ilustracións dos persoaxes dunha historia e como van evolucionando ata chegar o resultado final, que é o que coñece o público.
Agradecemos a súa visita e tamén o ternos desvelado algúns dos segredos da ilustración.
Ata a próxima.