Semana de Arte, Maxia e Contos na nosa Biblioteca!📚✨

 

Semana de Arte, Maxia e Contos na nosa Biblioteca! 📚✨

Se pensabades que as bibliotecas eran lugares silenciosos onde só se pode ler en voz baixa... estabades moi, moi equivocados! Esta semana pasada viramos o noso espazo do revés e montamos unha programación digna dun festival. E como o bo hai que contalo, aquí vai o resumo exprés de o ben que o pasamos:

• Luns de tinta (sen dor!): Comezamos a semana fortes cun obradoiro de tatuaxes. Non sabemos se a xente saíu convertida en piratas, en roqueiros ou en seres mitolóxicos, pero o que é seguro é que o pavillón cutáneo da nosa veciñanza quedou ben colorido.

• Martes de alfombra vermella: O martes cambiamos a tinta polos pinceis e as esponxas. Houbo sesión de maquillaxe artística e transformamos a rapazada en auténticas obras de arte viventes. Faltou a alfombra vermella, pero glamour non faltou nin gota.

• Venres con sabor a maxia: E para pechar a semana como se merece, rematamos por todo o alto cos nosos xa clásicos contos á Luz do Candil. Historias ao amor da luz dunha candea, risas, misterio e ese ambiente máxico que só se consegue cando apagamos as luces e acendemos a imaxinación.

Grazas a todas e todos os que viñestes encher de vida a nosa biblioteca. Se vos perdestes esta, non preocupedes: na nosa casa a diversión nunca se apaga.

Estade atentos ao blog, que a próxima xa está no forno! 📖🔥

A aventura dos libros!

 

Benvidos ao reino máxico dos libros, onde os dragóns voan nas páxinas e as historias cobran vida.

Hoxe abrimos unha nova biblioteca, e para esta súper misión necesitabamos a un capitán experto. E quen mellor que Manuel Pombal?

Dicen que Manuel ten superpoderes: se un libro está triste ou desordenado, el cóllese co seu carón e devólvelle a maxia cun sorriso. É o noso gardián dos contos!

Prometemos solemnemente diante de Manuel:

1. Tratar os libros con moito amor (nin manchas de chocolate nin pintadas con cores!).

2. Ler moito, moito, ata viaxar pola imaxinación.

3. Compartir as historias cos nosos amigos.

Manuel, o castelo de libros é todo teu. Cortamos a cinta máxica... e a ler!

Cortamos a cinta máxica e a LER!!

Molla a pluma e déixanos a túa tinta!

 

Unha boa biblioteca constrúese entre todas e todos. Que libro cres que non pode faltar nas nosas estantes?

Déixanos a túa suxerencia no buzón e axúdanos a pescar as mellores lecturas.

 

Entre tinta e mares

 Ola de novo!!!

Despois do verán e xa comezando o outono, a nosa biblioteca abre as súas portas. 

A partir de hoxe, este espazo volve encherse de vida, cor e aventuras. Aquí atoparedes portas secretas a mundos fantásticos, respostas a todas as vosas preguntas curiosas e historias que vos acompañarán para sempre.

Non importa se vos gustan os cómics, as novelas de misterio, a poesía, os libros de ciencia ou os contos ilustrados: este é o voso lugar para soñar en grande.

Lembrade as tres regras de ouro:

1.      Explora sen présa.

2.      Coida cada libro coma se fose un tesouro.

3.      Comparte as túas recomendacións coas túas compañeiras e compañeiros.

As portas xa están abertas. Que comece a viaxe!

A maxia de ler, a maxia de contar: Paula Carballeira na nosa biblioteca

 

A maxia de ler, a maxia de contar: Paula Carballeira na nosa biblioteca

    O 23 de abril celebramos o Día do Libro, unha xornada para recordar que cada historia pode abrir un mundo novo. A nosa biblioteca chea de voces, imaxinación e de encontros... e este ano contamos cunha invitada especial: Paula Carballeira.

Moitas grazas!

Día do Libro 23 de abril

Historias para celebrar o 23 de abril

O próximo 23 de abril celebraremos o Día do Libro cunha visita moi especial: 

Paula Carballeira estará na biblioteca para compartir sus historias e o seu talento como narradora.

Hora: 9:30

Lugar: Biblioteca do centro

Paula Carballeira

    Tamén contaremos cun contaconto para Infantil na Aula de Música pensado para disfrutar, imaxinar e vivir a literatura desde os primeiros anos.

Hora: 10:00

Lugar: Aula de música

Unha viaxe ao centro do conto: Soledad Solloza na Biblioteca

 

Unha viaxe ao centro do conto: Soledad Solloza na Biblioteca

    A biblioteca escolar recibiu a visita de Soledad Solloza, quen ofreceu unha encantadora sesión de contacontos para o noso alumnado. As súas historias, cheas de ritmo e emoción, captaron a atención de pequenos e maiores, convertendo a mañá nunha viaxe imaxinaria inesquecible. Agradecemos a súa participación e celebramos o impacto positivo que actividades como esta teñen no fomento da lectura.

Moitas grazas!

Co Caldo de Gloria, celebramos a súa voz e a nosa identidade

 

CALDO DE GLORIA

O 23 de febreiro celebramos o Día de Rosalía, unha xornada para lembrar a unha autora que non só escribiu versos, senón que deu voz a un pobo enteiro. Rosalía falou da terra, das mulleres, da emigración, da dor e da esperanza.

Este ano, non noso centro, quixemos homenaxeala recuperando uns dous símbolos máis fermosos da súa obra: o Caldo de Gloria, inspirado no poema Miña casiña, meu lareira.

Un caldo humilde, feito con ingredientes sinxelos, que representa a dignidade da vida cotiá e a capacidade de atopar calor mesmo nos días máis fríos.

Hoxe, entre libros e cuncas de caldo, celebramos que Rosalía segue viva en cada palabra que lemos, en cada canción que lembramos, en cada xesto de solidariedade que nos une. Feliz Día de Rosalía!

Obradoiro de imprenta

             O pasado venres, 16 de xaneiro, contamos na nosa biblioteca cun obradoiro de imprenta. Para iso contamos coa Imprenta Ambulante "Alquette Machine". Foi un pracer descubrir como escribían no noso pasado e a importancia da invención da imprenta.

"Escribir é a maneira máis profunda de ver a vida"

Programación de Nadal!

 Aquí tedes a programación de Nadal na nosa biblioteca durante o mes de decembro.

Esperámovos!