Golpe a golpe, verso a verso.

GOLPE A GOLPE, VERSO A VERSO


Golpe a golpe e verso a verso o alumnado de cuarto de primaria está participando nun obradorio de lectura que nos permite achegarnos a escritores e escritoras destacados da nosa literatura. 

Lorca, Alberti, Machado, Unamuno… Coñecer as súas obras, as súas vidas, as súas historias, recitar a súa poesía... e ata cantala é o obxectivo que este grupo de lectores e lectoras de cuarto ten como reto durante este curso 2018-2019.

“Camiñante non hai camiño, faixe camiño ó andar”

 

Unha iniciativa maravillosa que celebramos dende a biblioteca e á que o noso amigo
O Tinteiro se ofrece gustosamente a participar prestándonos libros e material que nos 
sexan de interese.

 

CONCURSO CARACTERIZACIÓN DE TINTEIRO PEREGRINO

O gañador do concurso celebrado para caracterizar a nosa mascota  do noso Proxecto Anual foi Alex Jaso Otero  de  1º.
 Noraboa !!

Aquí vos deixamos os debuxos dos demais participantes que tamén o fixeron mui ben.
Grazas a todos por participar e polos vosos fermosos debuxos, están todos xenial!!

                        
                                        ADEUS A XAVIER DOCAMPO 

A piques xa de marchar,cando pensabamos que tiñamos pechado o noso blogue ata setembro, sorpréndenos a triste nova do falecemento de Xabier P. Docampo.
Con ducias de libros publicados, converteuse nun dos grandes renovadores da literatura infantil-xuvenil galega, obtendo ademais numerosos galardóns e recoñecementos grazas a obras como A chave das noces, O pazo baleiro, Bolboretas, A casa da luz, O misterio das badaladas ou A illa de todas as illas... Por exemplo, en 1995 recibiu o Premio Nacional de literatura infantil e xuvenil por Cando petan na porta pela noite, e tamén foi merecedor do White Ravens en 1997. Nos últimos anos entrara ademais no mundo da novela con O libro das viaxes imaxinarias ou A nena do abrigo de astracán

Xabier P. Docampo traballou varios anos como mestre e pedagogo, foi actor e director de teatro, tamén estivo vinculado a Radio Nacional de España como guionista e escribiu e dirixiu obras para vídeo e para televisión. Tamén foi columnista en prensa e adicou unha etapa da súa vida a diferentes actividades de narración oral. 
Sempre nos quedaránas súas historias,porque como el ben dicía :

    "Contar un conto é o máis sublime acto de amor que se pode ofrecer a un ser querido"