23 de abril: Día do Libro

Desde 1926, cada 23 de abril celébrase o Día do Libro; nesa data falecían Cervantes e Shakespeare. Tamen nun 23 de abril naceron -ou morreron- outros escritores eminentes come Maurice Druon, K. Laxness, Vladimir Habokov, Josep Pla ou Manuel Mejía Vallejo. Por este motivo, esta data tan simbólica para a literatura universal foi a escollida pola Conferencia Xeral da UNESCO para render unha homenaxe mundial ao libro e aos seus aurtores e a lentar a todos, en particular aos máis xoves, a descubrir o placer da lectura e respectar a irremplazable contribución dos creadores ao progreso social e cultural. No noso colexio, desde os nenos e nenas de E.I. ata os maiores, conmemoramos o día con varias lecturas realizadas na biblioteca e nas aulas.

RAMÓN CARIDE FÁLANOS DE "PERIGO VEXETAL"

O xoves 10 de abril, os alumnos e alumnas de 6º recibiron a visita de Ramón Caride, autor dun dos libros que estiveron a ler durante este curso: "Perigo vexetal" (Premio Merlín en 1995). Ao longo dunha sesión puideron charlar con el sobre aspectos interesantes do libro e do autor. A continuación tedes unhas imaxes do encontro con Ramón Caride e, máis abaixo podedes ler as preguntas e respostas da entrevista.

PASEANDO POLA MURALLA

DÍA MUNDIAL DA RADIO

-     Hoxe 13 de febreiro celébrase o día mundial da radio. Imos ler un Manifesto en apoio da radio nas escolas

-  Facemos un pouco de historia:

“As radios escolares comezaron a implantarse en Galicia e no Norte de Portugal  a comezos dos anos 90. Do mesmo xeito, en America Latina proliferaron diversas modalidades de radios educativas e comunitarias. Desde entón, diversas foron as actividades e experiencias realizadas por cada unha delas sendo unha das máis importantes a participación ano a ano no programa de

Radio Interescolar Ponte...nas ondas! “

-     Por todo isto a Asociación Cultural e Pedagóxica Ponte...nas ondas! e aAsociación Internacional de Radios Educativas ( AIRE ), representando ás escolas que traballamos coa Radio Escolar e uníndonos ao chamamento da UNESCO para celebrar o Día Mundial da Radio, MANIFESTAMOS:

1. Que as voces dos nosos xoves teñen dereito a expresarse nun medio de comunicación directo, simple e actual.

 2. Que un dos obxectivos da radio escolar é educar aos mozos e mozas en valores como a tolerancia, a solidariedade, a igualdade e a colaboración

a través do seu uso activo.

 3. Que as nosas voces precisan ter unha canle de difusión, facilitada pola administración, para poder establecer pontes coas nosas emisións, coas nosas familias e con outras realidades.

 

4. Que as distintas administracións educativas deberían fomentar a implantación e desenvolvemento das radios escolares como xeito doado de envolver aos nosos mozos e mozas en todas as fases de creación e produción nun medio de comunicación. Para iso, cremos imprescindible

que a administración cree un canal de radio exclusivo para as radios escolares.

 

5. Que a radio escolar constitúe a más eficaz ferramenta para a conformación das competencias comunicativas dos futuros cidadáns.

E para que as boas ondas cheguen por AIRE aos mellores oídos, así o proclamamos no Día mundial da radio o 13 de febreiro de 2014.

                 

Polo Nadal a nosa biblioteca acolle unha xornada de contos.

Despois do éxito obtido polo II Certame de Contos á Luz do Candil, alá polo Samaín, animámonos a facer Contos polo Nadal. O alumnado do 3º Ciclo, seguindo uns criterios de redacción creativa, fixeron cadanseu relato e presentáronnolo ese día, léndoo para todos os do Ciclo. Hai que salientar o respecto que amosaron polos relatos dos compañeiros e esperamos que esta iniciativa se manteña para outras ocasións. Boas Festas!
A continuación tedes un enlace para ler e ver o bonitos que quedaron os contos.

 

BOLETÍN DE NADAL 2013

Xa chegou o Nadal. E como vén sendo costume, a Biblioteca do colexio edita o seu boletín de lecturas recomendadas. Ten distintas seccións: Infantil, Primeiro ciclo, Segundo ciclo, Terceiro ciclo, Para os maiores, En compaña. Nelas atoparedes libros que, este ano, máis ca nunca, faránvos VIAXAR "POLO MUNDO ADIANTE".
Podesdes descargalo ou velo facendo clic na imaxe.
Boas festas e feliz 2014.

Viaxando coa poesía

Continuamos na nosa viaxe “Polo mundo adiante”. Facémolo agora da man de doce poetas. Podemos ler os poemas que o alumnado de 5º e 6º foi deixando polas escaleiras . Subimos ás aulas ou á biblioteca e facemos unha parada para ler uns versos…, baixamos ao recreo e lemos outro… Cando os teñamos lidos, podemos elexir os nosos favoritos, aqueles que nos moven máis por dentro, que nos transportan a outros mundos, e que sempre nos traen de volta, de regreso.

   VIAXANDO CON : Rosalía, Antonio Machado, Ramón Cabanillas, Juan Ramón Jiménez, Uxio Novoneira, Mario Benedetti, , Rafael Alberti, Paula Carballeira, Gómez de la Serna, José Agustín Goytisolo, Jorge Manrique e Aquilino Iglesia Alvariño.                                                                               ANÍMASTE A  CREAR OS TEUS PROPIOS POEMAS?

   Ti tamén podes ser POETA. Escribe os teus versos e déixaos no maletín que está na biblioteca. Poderás velos publicados no blog.

@s alumn@s de 3º Ciclo contan en Infantil

Como cada curso, animados por Tinteiro, a mascota da biblioteca, os alumnos e alumnas de 3º Ciclo foron contar contos aos nenos e nenas de Educación Infantil. Prepararon contos relacionados co proxecto deste ano "Polo mundo adiante", elaboraron actividades para despois do conto e ensaiaron. Cada martes, na hora de ler, baixaron ás aulas de 3, 4 e 5 anos e narráronlles os relatos. A experiencia está sendo moi enriquecedora porque para os maiores supón un esforzo de preparación e adaptación aos máis e pequenos; estes quedan abraiados por que os de 6º vaian lerlles un conto. velaí os tedes.

Un ano máis atrevémonos a contar contos e microrrelatos á luz das candeas e das arrepiantes cabazas.
Os alumnos e alumnas reuníronse arredor d@s contador@s para escoitar os relatos que fixeron, algúns deles verdadeiramente sanguinarios e cheos de mortos e zombis.
A biblioteca recibiunos engalanada para a ocasión, converténdose nun entorno misterioso e sinistro. Con todo pasámolos moi ben.Vémonos o ano que vén no mesmo sitio.
samain na biblioteca de Cedeira

HOXE VISITOUNOS X. H. RIVADULLA CONDE "CORCÓN"

Hoxe visitounos X. H. Rivadulla Conde "Corcón" autor do libro Os Piratas da Illa da Esperanza, que o 3º Ciclo estivo a ler neste curso.
O alumnado fíxolle moitas preguntas, que el respostou amablemente ademais de engadir unha chea de información interesante sobre todo o que rodea a este libro, así como ao oficio de escritor.
Soubemos o porque dos personaxes, dos nomes, dos lugares, da historia, das ideas e das motivacións que o levaran escribir tan interesante libro.
Agradecemos a súa presencia connosco e que asinase os exemplares do seu libro.