Este ano, como primeira edición, o Colexio de Cedeira por iniciativa da súa mestra Jéssica Rodríguez, organizou, en colaboración co Concello de Redondela e coa participación de todos os centros educativos do municipio, unha xornada de dous días nos que o alumnado puido compartir con compañeiras e compañeiros de outros colexios, coas familias e habitantes do Concello, os resultados das súas produccións escritas e proxectos creativos en diferentes stands.
Foros dúas xornadas de convivencia, de compartir, de intercambio de experiencias, de aprendizaxe entre iguais e onde gozamos e pasamos momentos moi divertidos en compañía do resto de compañeiros/as e do amenizador "Cé Orquestra Pantasma".
Aquí vos deixamos algunhas fotiños onde se poden ver algúns dos traballos expostos e o ben que o pasamos durante estas dúas xornadas.
