Durante a semana da Inclusión, que este ano celebramos do 20 ao 24 de marzo, aproveitamos as horas de ler no centro para implementar unha actividade de lectura apoiada por unha intérprete de lingua de signos, que foi realizada por Ana Couñago, a mestra da escola unitaria de Ventosela. Con esta actividade, pretendemos que o alumnado poida visibilizar outras realidades non tan presentes no día a día do centro.
Aproveitando a súa visita, esta mestra visibilizou diferentes aspectos da Discapacidade Auditiva, ensinounos signos de animais e animounos a buscar un signo persoal que nos caracterizase a cada quen.
Moitas grazas Ana, encantounos a túa visita!!
