Este Nadal na biblio foi moi divertido. Poidemos desfrutar de moitas actividades de lecer en compañía do alumnado o profesorado e as familias.
En primeiro lugar, elaboramos un bonito mural na entrada do cole para darlle a benvida ó Nadal. Este mural estaba acompañado do noso calendario de adviento literario e diferentes materiais para experimentar como: bolas de porexpam para decorar, caixas, papel de regalo e lazos para envolver...
Durante os recreos na biblio aproveitamos para facer diferentes obradoiros relacionados co Nadal, os cales podedes ver a continuación:
O pillabán de Tinteiro agochouse todos os recreos do mes de decembro para que os nenos e nenas do centro o atopasen durante o momento do recreo. Quen coseguise atopalo levaba o premio e privilexio de abrir o día correspondente no calendario de adviento e levar o premio da chocolatina que atopase no seu interior.
Unha das actividades desenvoltas no recreo durante todos os días de decembro foi completar un calendario de adviento literario no que, cada día, propoñíamos un libro que os nenos/as tiñan que buscar na biblioteca. Esta resultou unha boa forma de recomendar lecturas ao alumnado, fomentar o seu interese pola lectura e e incrementar o seu coñecemento literario.
