Entroido

Durante a semana do entroido fixemos unha chea de actividades variadas e divertidas. 

- Ó longo da semana vimos disfrazados segundo os mandados de Anacleto.

- Fixemos diversos obradoiros durante o recreo como a creación de antifaces ou instrumentos para os nosos traxes do venres.

- O martes tivemos a sorte de contar coa visita do pai dunha mestra que veu a cociñarnos filloas, e ben ricas que estaban!

- Durante os recreos tíñamos expostos diferentes antifaces xiganmtes para que o alumnado costumizase con diferentes materiais para decorar o noso cole.

- O venres vimos disfrazados de rondalla en grupo e fixemos o desfile pola parroquia,  a queima do meco (este ano adicado a nhecesidade do coidado do planeta) e a degustación de doces típicos de entroido coas familias.

Pola tarde non faltou o obradoiro impartido por Carla de 2º de primaria xunto coa súa nai de máscaras de entroido.

 

Día de Rosalía

Continuando coa Semana de Rosalía, realizamos diversas actividades no centro:

• Unha das actividades consistiu en elaborar un mural tipo caligrama con pedras representando o poema de Rosalía de: "O caldo de Gloria". Para elaboralo, entregóuselle ao alumnado unha pedra na que tiñan que escribir palabras seleccionadas deste poema. Máis tarde fixeron a composición nun soporte para colgar e expoñer no noso centro.

• O alumnado de 2º compuxo un mural de Rosalía de Castro tipo mosaico (con anacos de cartón dos bricks de leite que consumiron durante o programa de froita e leite) no que incluiron elementos típicos de Galicia e obras destacadas de Rosalía. Aquí vos deixamos unhas fotiños do proceso de elaboración e a exposición que se fixo durante esa semana no recuncho de lectura.

 

Club lectura 5° e 6°

 

Novidades e recomendacións lectoras

Durante este trimestre, fixemos novas adquisicións na Biblioteca do centro de todo tipo de xéneros e para todas as idades e selección de libros que recomendamos. Animádevos a coller en préstamo para ler ou levar para as vosas casas.

 

Club de lectura

 

Animación lectora primero

 Un agasallo diferente 

30 de xaneiro

O pasado día 30 de xaneiro conmemoramos no centro o Día da Paz. Fixemos unha selección de libros relacionados con esta temática no recuncho de lectura, para que o profesorado e o alumnado, puidese levar ou facer uso deles durante esta semana. 

Despois do recreo, o alumnado baixou ao patio para facer a tradicional carreira solidaria patrocinada por "Save the Children" no que, cada curso, se comprometía a completar unha etapa dun percorrido arredor do colexio conseguindo letras que traían de volta para o centro. Despois da chegada de todo o alumnado, xuntáronse para formar entre todos a palabra "ACUBILLO".

Relacionado con esta actividade, creouse unha cantiga que podedes ler a continuación. Ésta foi a seleccionada para cantar e bailar en compañía das familias do alumnado, para dar o peche a esta fantástica e marabillosa conmemoración en Comunidade.

 

Obradoiro de creación de instrumentos musicais con materiais de refugallo

 

Durante os recreos, o alumado acudiu voluntariamente á Biblioteca a realizar un obradoiro de creación de instrumentos musicais con materais de refugallo. Esta actividade está relacionada co proxecto de centro no que, neste segundo trimestre, relacionouse coa música. Houbo moita participación e creacións moi divertidas e variadas.

Recuncho maker

 

Músicas da terra

O segundo trimestre foi dedicado ás músicas da Terra. Na entrada do centro, elaboramos un mural expositor con diferentes instrumentos e mulleres relacionadas co mundo da música en Galicia. Durante os recreos o alumnado podía experimentar tocando os diferentes instrumentos de forma individual ou facendo grupos ou pequenas bandas.