CASTELAO
Tal día coma hoxe,do ano 1886,nacía en Rianxo Alfonso Daniel Rodríguez Castelao.
Político,escritor,pintor,dibuxante e humorista,Castelao converteuse na figura máis destacada da escea cultural e política galega de principios do século XX.

 30 DE XANEIRO : DÍA DA PAZ
Para celebrar o Día da Paz 2016 tamén botamos man dun poema de Manuel María que nos lembra o sinxelo que é buscar a paz no día a día e o importante que é a boa xente,a xente boa.


                                        SONETO

                       Os meus antergos non foron violentos

                       e nunca houbo na casa armas de fogo.

                       Endexamais,un Hortas,nin por xogo, 

                       chegou a utilizar tales inventos .

                       Que a miña xente tivo a valentía

                       de gastar a súa vida traballando:

                       arando, recollendo,sementando,

                       facendo un campo fértil de campía.

                       Tampouco houbo nos Hortas cazadores

                       pois,seguindo unha vella tradición,

                       foron , unicamente , labradores...

                       Traballaron con amor,fe e paixón:

                       fertilizaron o chao cos seus suores

                       e morreron coa paz no corazón...! 

                                                SONETOS A CASA DE HORTAS

SEGUIMOS CON MANUEL MARÍA
Nas aulas de Cedeira seguimos a traballar novas poesías do libro "Sonos na gaiola".Expoñémolas para dalas a coñecer ao resto do cole e así imos cambiando a decoración dos nosos corredores.Ven a velos connós!!

ANN ALFAYA EN CEDEIRA
Este venres, 15 de xaneiro, visitounos An Alfaya, autora do libro “Sireno,sireno” que lemos no primeiro trimestre. Nunha interesante entrevista realizado polos alumnos/as respostou amablemente dándonos a coñecer as “entreteas” do libro. Aprendemos un montón sobre como se inspira unha autora para escribir, trucos para empezar unha historia, para continuala e para rematala (ou non). 
Por que “Sireno,sireno”? Pois porque reflicte moi ben un mundo real-imaxinario no que nos movemos e que algunhas persoas expresan, ben sexa desde a literatura, desde a pintura ou desde a escultura. “Un bo artista é aquel que sabe mirar”, así que todos podemos ser artistas, aínda que sexa no noso interior.
Animámosvos a que leades o libro. Podedes cóllelo na biblioteca 

ou a pedirllo aos compañeiros/as de 6º. 

PROXECTO CONTONEARTE 2º TRIMESTRE

Neste 2ºtrimestre, dentro do noso proxecto anual,imos adicarnos a investigar sobre a pintura.
Xa tedes na biblioteca libros novos adicados a pintores famosos como Miró,Dalí,Frida Kalo...
Pasade cando queirades a botarlle unha ollada!!!

     
                         FELIZ ANINOVO DENDE A BIBLIOTECA DE CEDEIRA

BO NADAL DE LECTURA
Como cada ano queremos recomendarvos dende a biblioteca unha serie de libros que vos poden entreter moito nestas festas.
Esperamos que gocedes moito con eles .
(Preme na imaxe para ver o boletín)

CULTURGAL
Dende o venres 4 ata o domingo 6 en Pontevedra podemos visitar a feira da cultura galega.
Ao longo destes 3 días haberá unha chea de actividades divertidas
e interesantes para todas as idades.
     Animádevos a achegarvos ao Pazo da Cultura de Pontevedra !!!

 MANUEL MARÍA
Ao longo do mes de outubro en cada unha das aulas de infantil e primaria estivemos traballando diferentes poesías do libro "Sonos na gaiola".
Ademais de falar do seu contido para comprendela, memorizala e recitala , cada aula preparou un traballiño relacionado con dita poesía para expoñer nos corredores da escola. Este foi o resultado:

25  DE NOVEMBRO-NON A VIOLENCIA DE XÉNERO
Co gallo da celebración do Día contra a violencia de xénero queremos comunicarvos que na nosa biblioteca podedes atopar varios libros que falan e tratan de erradicar esa lacra da nosa sociedade.