26 de xuño de 2018

                        
                                        ADEUS A XAVIER DOCAMPO 




A piques xa de marchar,cando pensabamos que tiñamos pechado o noso blogue ata setembro, sorpréndenos a triste nova do falecemento de Xabier P. Docampo.
Con ducias de libros publicados, converteuse nun dos grandes renovadores da literatura infantil-xuvenil galega, obtendo ademais numerosos galardóns e recoñecementos grazas a obras como A chave das nocesO pazo baleiroBolboretasA casa da luzO misterio das badaladas ou A illa de todas as illas... Por exemplo, en 1995 recibiu o Premio Nacional de literatura infantil e xuvenil por Cando petan na porta pela noite, e tamén foi merecedor do White Ravens en 1997. Nos últimos anos entrara ademais no mundo da novela con O libro das viaxes imaxinarias ou A nena do abrigo de astracán

Xabier P. Docampo traballou varios anos como mestre e pedagogo, foi actor e director de teatro, tamén estivo vinculado a Radio Nacional de España como guionista e escribiu e dirixiu obras para vídeo e para televisión. Tamén foi columnista en prensa e adicou unha etapa da súa vida a diferentes actividades de narración oral. 
Sempre nos quedaránas súas historias,porque como el ben dicía :

    "Contar un conto é o máis sublime acto de amor que se pode ofrecer a un ser querido"




                 
                  RECOMENDACIÓNS LECTORAS      

 Para finalizar as publicacións deste curso deixámosvos as recomendacións lectoras para o verán.

Desexámosvos unhas vacacións cheíñas de boas lecturas e lembrade que ...
                                          

           UN LIBRO
                                 PODE  SER 
                               
                                                     A MELLOR DAS VIAXES!!!


25 de xuño de 2018



       DESPEDIDA DOS AXUDANTES DE BIBLIOTECA

Despois de todo un curso colaborando con nós , démoslle unha merecida despedida,con merendola incluída,aos rapaces e rapazas que este ano fixeron as labores de axudantes de biblioteca.
Dende aquí dámoslles de novo as grazas e desexámoslle boa sorte na súa seguinte etapa educativa.

                            ATA CANDO QUEIRADES!!!

13 de xuño de 2018


                                    ENCONTROS CON AUTORES



Os días 18, 23 e 30 de maio visitounos na nosa  biblioteca a autora  María Canosa coa que estivemos falando dos seu libros " O DÍA QUE CHOVEU AO REVÉS","A CAZADORA DE ESTRELAS" E "MURIEL"
Nestes encontros participaron os alumnos e alumnas de 1º a 6º
Durante a charla falamos  dos libros que leu cada curso.
Ademaís os rapaces e rapazas de 6ª elaboraron un mural que resumía as partes máis importantes do libro "Muriel" como preparación previa á visita.
Foron 3 días moi agradables na compañía da gañadora do Premio Merlín.

11 de xuño de 2018


                                                 
                                             SEMANA DAS LETRAS 

Ao longo de toda a Semana das Letras as clases de infantil e primaria levaron a cabo diferentes actividades para homenaxear e coñecer máis a fondo a figura de María Victoria Moreno.
 Para facer mais festiva esta data, nas aulas de Primaria preparouse unha xincana na que se combinaban probas de busca de información relacionadas coa autora homenaxeada, actividades interactivas e actividades físicas.O Equipo de Biblioteca entregou a cada titor unha proposta de actividades que este adaptou os seus alumnos.

Cada clase dividiuse en equipos e estableceuse un horario de realización da xincana para que os distintos grupos e clases non coincidiran facendo a mesta actividade ou no mesmo espazo.
A busca de información realizouse nos paneis coa vida da autora (situados na planta baixa) e na exposición das súas obras (na Biblioteca), as actividades interactivas e a busca en internet (na aula de informática) e as actividades físicas no patio.


25 de maio de 2018

                         FESTIVAL DE TITERES  REDONDELA

Como cada ano a mediados de maio celébrase en Redondela o Festival  Internacional de Títeres.
E como cada ano os colexios do concello pudemos acceder as actuacións de sala que se ofertan para o alumnadado de infantil e primaria.
Este ano os nenos e nenas de infantil disfrutaron  moitísimo coa sensibilidade e calidade da obra "Vuela pluma",da compañía murciana Periferia teatro. 
Os de 1º.2º,3º e 4º asistiron a obra "Barriga verde" de Viravolta Títeres e os de 5º e 6º estiveron en " Le fumiste" da compañía francesa Don Davel. 



25 de abr. de 2018

                      
                     CELEBRANDO NA BIBLIOTECA

Como cada ano chegado o 23 de abril celebramos na nosa biblioteca o Día do Libro .
Esta vez foron os rapaces e rapazas de 3º os encargados de contarnos aos demais o conto do "Soldadiño de chumbo", coa técnica do kamishibai.
Encantounos a visita á biblioteca para  escoitar o conto que prepararon para nós os de 3º curso.

Ademais cada clase elaborou un marcapáxinas relacionado co noso proxecto anual ("As tribus indíxenas").

20 de abr. de 2018



                                   XIX EDICIÓN DO SALÓN DO LIBRO 


O tema da edición de 2018 é MULLERES DE CONTO e con ela preténdese render homenaxe ás mulleres que conforman o mundo da literatura infantil, desde os personaxes dos contos ata as autoras, editoras, ilustradoras, profesoras, bibliotecarias… e, ao tempo, promover unha lectura crítica e reflexiva, con perspectiva de xénero.Aínda estades a tempo de pasarvos polo Pazo da Cultura de Pontevedra para disfrutar das actividades que nos ofrecen nesta nova edición.
Podes ver o programa en www.salondolibro.gal

13 de abr. de 2018


                                       CONTACONTOS NA BIBLIOTECA
    Hoxe na nosa biblioteca recibimos a Iago López,un contacontos maravilloso que nos visita todos os anos.
Desta volta contoulles aos nenos e nenas de infantil, 1º e 2º unha bonita versión da historia de Riciños de ouro que conseguiu enganchar a todos e todas.


23 de mar. de 2018



                                               21  DE MARZO


A Real Academia Galega (RAG) organizou para este mércores, con motivo do Día Mundial da Poesía, unha homenaxe á escritora e académica Xohana Torres, falecida o pasado mes de setembro.
Foi nun acto literario e musical no que poetas de distintas xeracións e amigos da autora leron e comentaron "desde unha perspectiva persoal" fragmentos da súa obra.
Tamara Andrés, Xosé Manuel Beiras, Berta Dávila, Xosé Luís Franco Grande, Margarita Ledo, Carlos Negro, Ánxeles Penas, Luz Pozo Garza, Ismael Ramos, Ánxela Abalo, Gustavo Pernas e Euloxio Ruibal recitaron e comentaron partes das obras desta aotora.
Tras a apertura do acto a cargo do presidente da Real Academia Galega (RAG), Víctor Freixanes, presentou o programa desta homenaxe que incluiu recitais e actuacións musicais, ademais de dedicar unha parte a lembrar a figura de Xohana Torres. 
                              

  
 Podedes achegarvos a biblioteca do cole para disfrutar da poesía desta autora e de outro moitos poetas que vos agardan nos nosos andeis.

21 de mar. de 2018

                                                   MAGÍN BLANCO


15 de mar. de 2018

                                     
                                             DÍA DA MULLER
O 8 de marzo celebrámolo recordando a aquelas pioneiras nalgún eido profesional que ata a súa chegada fora inalcanzable para as demais mulleres.
Quixemos así agradecer e recoñecer o seu esforzo e valentía por atreverse a romper as barreiras que por razón de sexo se lles impoñían.
 En cada aula falouse dunha muller que foi a primeira en atreverse a desempeñar un traballo ou actividade que ata entón fora só terreo de homes.
Ángeles Alvariño primeira científica,Isabel Barreto primeira almirante,Luz Morales primeira directora dun xornal...
MULLERES BRAVAS,BRAVO POR ELAS !!


 


9 de mar. de 2018



                           DIA INTERNACIONAL DA MULLER   

 Como cada 8 de marzo sumámonos as reinvindicacións do Dia Internacional da Muller ,este ano , si cabe con máis forza que nunca.


  Neste día  conmemoramos a loita da muller pola súa participación na sociedade en condicións de igualdade co home e o seu desenvolvemento íntegro como persoa.

  

1 de mar. de 2018

                                  
                     ABRIMOS AS FIESTRAS DA ESCOLA
Os nenos e nenas de Cedeira celebraron o Día de Rosalía  preparando fiestras nas que colorearon debuxos da homenaxeada e escribiron nas contras pequenas estrofas dalgúns dos seus poemas máis coñecidos .
            Agora temos as nosas fiestras cheíñas de poesía!!


                                  

28 de feb. de 2018

                                                                                                                                              
                  DESCUBRINDO AOS INUITS
                 

Dentro do Proxecto anual  que estamos a desenvolver este curso, os nenos e nenas de 6º levan meses estudando ao pobo Inuit, as súas características, costumes e formas de vida.
Por iso se puxeron en contacto cun estudoso desta cultura para que viñese ao cole contarnos todo o que el aprendeu convivindo con este pobo.
Fracesc Bailón visitaranos os próximos 5 e 6  de marzo para que todos os rapaces e rapazas do cole poidan aprender escoitando as súas experiencias e participando en diferentes obradoiros,exposicións e actividades .
Ademáis este antropólogo catalán dará unha charla no Multiusos de Redondela para o público en xeral o luns 5 de marzo ás 19 horas, con entrada libre.
         Na seguinte dirección podedes ler a entrevista que lle fixeron para a páxina web "La viajera .Crónicas de viajes  http://www.laviajera.es/2015/02/frances 
Tamén o propio Francesc  Bailón ten unha conta de Facebook onde podedes ler as súas experiencias. 
Ademáis para profundizar no coñecemento dos Inuits dispoñedes de dous libros escritos por el.
         


   Agardamos a vindeira semana cheos de interese!!! 


26 de feb. de 2018

                            
               24  DE FEBREIRO : DÍA DE ROSALÍA
         
Hoxe,sábado 24 de febreiro, cúmprense 181 anos do nacemento de Rosalía de Castro,unha muller revolucionaria e defensora de Galicia e do galego.
  Son moitas as institucións que se suman desde hai anos a esta celebración do DÍA DE ROSALÍA que as bibliotecas escolares aproveitamos para dar a coñecer ao alumnado os poemas, a vida e o significado desta gran autora. A obra de Rosalía cobra vida nas voces de nenas e nenos que recuperan en recitais, lecturas compartidas e todo tipo de actividades a forza da súa palabra. 

A Asociación de Escritoras e Escritores en Lingua Galega convida neste 2018, baixo o lema #AbrideAFiestra, a celebrar este Día de Rosalía co agasallo dun libro galego e unha flor a amigos e familiares. 
Si che interesa coñecer a súa vida e a súa obra so tes que premer na foto de Rosalía que está na marxe dereita do noso blog e enteraraste de todo.
 Na próxima entrada deste blog darémosvos conta das actividades realizadas polos nenos e nenas de Cedeira durante o venres 23  e o luns 25 para festexar esta data tan querida. 
              Estade moi atentos, vanvos encantar !!!


31 de xan. de 2018

                                              
                                               TRIBUS POLA PAZ
Aproveitando que este ano o proxecto do cole é "OS POBOS INDÍXENAS",non quixemos esquecer no día da paz o sufrimento e o abuso que estes padeceron e padecen por parte do "home civilizado": ocupación dos seus teritorios,xenocidio,confinamento en reservas,desaparición forzada das súas raices culturais e forma de vida tradicional,aillamento ,marxinación ,explotación...
Así que dende a biblioteca tratouse  para este día ,de xeitos diferentes, a visibilización  desta problemática e a reinvindicación dos dereitos de ditos pobos a ser respectados e vivir en paz.
Dende a mensaxe de Toro Sentado ao presidente Franklim,a problemática dos Yaguas e Ticunas no Amazonas,dos Inuits ou dos Mayas e os Incas.



 

16 de xan. de 2018


                      UNHA MAÑÁN CHEA DE POESÍA

Este luns tivemos a sorte de disfrutar da compaña de García Teijeiro na nosa biblioteca , da man do Faro da escola.
Os afortunados foron os nenos e nenas de 5º e 6º curso que pasaron unha agradable mañán falando de poesía e literatura.
 O autor aproveitou para presentarnos a Martiño,un  títere mariñeiro que o acompaña e anima aos nenos e nenas a ler.Da súa boca foron saíndo varios dos poemas do libro "POEMAR O MAR".
Unha sorte poder contar coa presenza do último Premio de Literatura Infantil e Xuvenil na nosa biblioteca.
                              

15 de xan. de 2018



 A Consellería de  Educación e Cultura ven de publicar este calendario coas celebracións máis importantes do ano en torno aos libros,a lectura ,os autores...Nel podedes atopar aniversarios de autores ,de publicacións,días do libro,da poesía,das librarías...

11 de xan. de 2018


                 VISITARANOS  ANTONIO GARCÍA TEIJEIRO

O próximo luns día 15 vainos visitar Antonio García Teijeiro, autor galardoado  este ano co Premio Nacional de Literatura Infantil e Xuvenil.
A súa última obra "Poemar o mar" valeulle para ser recoñecido con este importantísimo premio.
Serán os alumnos e alumnas de 5º e  6º os que acudirán a este encontro co autor, que nos visita dentro das actividades  relacionadas coa nosa participación no Faro da Escola .